PFL "Kəpəz"i Gəncədən uzaq saldı

"Kəpəz" Premyer Liqada növbəti iki ev oyununu Gəncədə keçirməyəcək.

"Operativ Media" xəbər verir ki, bu barədə Peşəkar Futbol Liqasının (PFL) mətbuat xidməti məlumat yayıb.

Gəncə şəhər stadionunun ot örtüyünün vəziyyəti Azərbaycan Premyer Liqasının oyunlarını qəbul etmək üçün yararlı olmaması ilə əlaqədar Peşəkar Futbol Liqası “Kəpəz” klubunun müraciət və təsdiq məktubunu nəzərə alaraq aprel ayının əvvəlcədən açıqlanan təqvimində aşağıdakı dəyişikliklər edilib:

15 aprel

“Kəpəz” - “Turan Tovuz”

Qəbələ şəhər stadionu, 16:00 (CBC Sport/canlı)

29 aprel

“Kəpəz” – “Sumqayıt”

Qəbələ şəhər stadionu, 16:00 (CBC Sport/canlı)

Qeyd: Renovasiya işlərinə Peşəkar Futbol Liqası tərəfindən baxış keçirildikdən sonra “Kəpəz” klubunun 33-cü turdan sonrakı ev oyunlarının Gəncədə keçirib-keçirməyəcəyinə yekun qərar veriləcək.