Makronun Fransası Azərbaycana qarşı proksi müharibəyə başlayıb - VİDEO

Fransa Azərbaycana qarşı proksi müharibəyə başlayıb. 

"Operativ Media" xəbər verir ki, bu barədə "Caliber" öz mənbələrinə istinadən məlumat yayıb.

Caliber-in əldə etdiyi kadrlardan görünür ki, Ermənistan Silahlı Qüvvələri hücum və kəşfiyyat PUA-larını idarə etmək üçün mərkəz kimi mülki avtomobildən istifadə edib. Bu avtomobil mayın 12-də erməni hərbi təxribatının qarşısı alınarkən məhv edilib.

"Bu maşının dağılma anına diqqət yetirin - onun yanında mülki geyimli, qara gödəkçəli, partlayışdan sonra avtomobildən sürünərək uzaqlaşan bir adam var. Partlayış yerindən təşviş içində qaçan iki uniformalı erməni hərbçisindən fərqli olaraq, qara gödəkçəli şəxs peşəkar təmkin və bacarıq nümayiş etdirir - NATO standartlarına uyğun yüksək hazırlıq hiss etmək olar (yuxarıdakı videoya baxın). Bizdə olan məlumata görə, söhbət erməni hərbçilərinə PUA-lara kəşfiyyat və hücuma nəzarət etməyi öyrədən fransız hərbi təlimatçıdan gedir. Üstəlik, NATO hazırlığı olan bu cür “mülki” mütəxəssislər tək hal deyil, oxşar siqnallar şərti sərhədin digər hissələrindən də alınıb"-məlumatda bildirilir.