Sosial şəbəkələrdə Quba-Qusar ilə İsmayıllı-Qəbələ rayonları arasında tunel inşa ediləcəyinə dair məlumatlar yayılıb. Qeyd olunur ki, tunel sayəsində rayonlar arasındakı səyahət müddəti 30 dəqiqə olacaq, hazırda isə Qusar və Qəbələ arasında səyahət Sumqayıtdan keçməklə təxminən 6 saata başa gəlir.
Mövzu ilə əlaqədar Azərbaycan Avtomobil Yolları Dövlət Agentliyindən "Operativ Media"nın sorğusuna cavab olaraq bildirilib ki, yayılan məlumatlar həqiqəti əks etdirmir:
"Hazırda belə bir layihə yoxdur. Əgər olarsa, ictimaiyyətə məlumat veriləcək".
