İtaliya yığmasının heyətində 1982-ci ilin dünya çempionu və Çempionlar Liqasının üçqat qalibi Franko Baresi 66 yaşında dünyasını dəyişib.

​Operativ Media xəbər verir ki, keçmiş müdafiəçinin ölüm səbəbi barədə məlumat verilmir.

​İyulun 29-da İtaliya mətbuatında Baresinin vəfat etməsi ilə bağlı xəbərlər yayılsa da, "Milan" klubunun mətbuat xidməti həmin məlumatları təkzib edərək veteran futbolçunun "çətin dövrdən keçdiyini" bildirmişdi.

​Karyerası ərzində yalnız "Milan"ın şərəfini qoruyan müdafiəçi 1977–1997-ci illər aralığında meydana çıxdığı 719 rəsmi matçda 33 qol vurub, 24 məhsuldar ötürmə müəllifi olub. O, bu komanda ilə 6 dəfə İtaliya çempionluğu qazanıb və 3 dəfə Çempionlar Liqasının kubokunu başı üzərinə qaldırıb.

​İtaliya milli komandasında 81 oyuna çıxaraq 1 qol vuran Baresi 1982-ci ildə dünya çempionu, 1994-cü ildə isə dünya vitse-çempionu adını qazanıb.