Yelizaveta Ruban: “İspaniya ilə matçda səhvlərimiz üzərində işlədik və qalib gəldik”

Azərbaycan qadın voleybolçulardan ibarət milli komandanın hücumçusu Yelizaveta Ruban yığmanın son qarşılaşmadakı qələbəsini dəyərləndirib.

​Operativ Media xəbər verir ki, idmançı bütün azarkeşlərə dəstəyə görə minnətdarlığını bildirib və bu görüşə olduqca ciddi hazırlaşdıqlarını vurğulayıb. O qeyd edib ki, İspaniya yığması ilə daha əvvəl Avropa Liqasında da qarşılaşmış və məğlub olmuşdular.

​Voleybolçunun sözlərinə görə, komanda əvvəlki matçlardakı səhvlərini və çatışmazlıqlarını təhlil edərək lazımi addımlar atıb. Sonda Yelizaveta Ruban qazanılan qələbə münasibətilə bütün komanda yoldaşlarını təbrik edib və qarşıdakı oyunlarda uğurlar arzulayıb.