Azərbaycan azad edilmiş ərazilərdə mədəni irsin genişmiqyaslı bərpasını həyata keçirir.
Operativ Media xəbər verir ki, bu barədə Azərbaycanın xarici işlər naziri Ceyhun Bayramov Səmərqənddə UNESCO-nun Baş konfransının 43-cü sessiyasında çıxışı zamanı bildirib.
XİN rəhbərinin sözlərinə görə, Ermənistanın işğalı nəticəsində Qarabağ və Şərqi Zəngəzurda yüzlərlə abidə, məscid, muzey və digər mədəni irs obyektləri dağıdılıb və bu, Azərbaycan üçün böyük mədəni itkilərə səbəb olub.
O qeyd edib ki, Azərbaycan azad edilmiş ərazilərdə abidələrin bərpası və qorunması istiqamətində genişmiqyaslı işlər aparır, lakin mina və partlamamış sursatlar bu prosesi ləngidir.
Nazir Azərbaycan UNESCO-nun prinsiplərinə sadiq qalaraq mədəni irsin bərpasını davam etdirəcəyini vurğulayıb.
