Yaponiya süni intellektin inkişafı üçün texnologiya şirkətlərinə 470 milyon dollar ayıracaq

Yaponiya hökuməti süni intellektin inkişafı üzrə səylərini dəstəkləmək üçün texnologiya şirkətlərinə subsidiyalar verəcək.

"Operativ Media" xəbər verir ki, Yaponiyanın İqtisadiyyat, Ticarət və Sənaye Nazirliyinin məlumatına görə, beş şirkət təxminən 470 milyon dollar dəyərində subsidiya alacaq.

Vəsaitlər bulud xidmətləri və süni intellekt texnologiyalarının fəaliyyətini dəstəkləməkdən ötrü lazım olan hesablama gücünü təmin etmək üçün nəzərdə tutulub.

Qrant alanlara telekommunikasiya nəhəngi "KDDI", həmçinin "GMO Internet Group", "Sakura Internet", "Rutilea" və "Hirhreso" daxildir.