“Bu gün möhtəşəm tədbirin iştirakçısıyam. Dünya şəhərsalma forumunun Azərbaycanda keçirilməsi ölkənin tanıdılmasında, turizminin inkişafında böyük töhfə verir. Azərbaycan bu gün öz mədəniyyətini dünyaya bir pəncərə kimi açıb”.

Bu sözləri Operativ Media-ya açıqlamasında Azərbaycan Dövlət Mədəniyyət və İncəsənət Universitetinin professoru, Kulturologiya elmləri doktoru İlqar Hüseynov bildirib.

“Azərbaycanın şəhərləri günü-gündən gözəlləşir.

Xüsusilə, Qarabağ və Şərqi Zəngəzur istiqamətində tikilən kəndlər, şəhərlər bizim üçün əlamətdar olmaqla yanaşı, həm də dünya şəhərsalması üçün nümunədir. 

Bu gün Azərbaycan özünün milli oyanış, milli özünüdərk dövrünü yaşayır. 

Azərbaycan öz dövlətçilik ənənələrini, şəhərsalma mədəniyyətini, milli mədəniyyətini bilavasitə qonaqlara təqdim edir”, - deyə o, qeyd edib.