Yaponiya 2004-cü ildən sonra ilk dəfə yen əskinaslarını dövriyyəyə buraxıb.
"Operativ Media" xəbər verir ki, Yaponiya Bankının (BoJ) Tokionun Nihonbaşı rayonundakı baş qərargahında yeni yapon yeni əskinasları təqdim edilib.
BOJ qubernatoru Ueda Kazuonun ev sahibliyi etdiyi təqdimat mərasimində yeni 1000, 5 min və 10 min Yapon yeni əskinasları nümayiş etdirilib.
Birinci mərhələdə BoJ 1,6 trilyon yen (9,9 milyard dollar) dəyərində yeni əskinasları dövriyyəyə buraxmağı planlaşdırır.
Hökumətin Milli Çap Bürosu (NPB) Yapon yeni əskinaslarında ilk dəfə olaraq 3D holoqram texnologiyasından istifadə edildiyini açıqlayıb.
Yeni 10 min yenlik əskinasın ön tərəfində Yaponiya sənayesinin yaradıcılarından biri olan "Eiichi Shibusawa", arxa tərəfində isə Tokio vağzalının binası təsvir olunub.
5 min yenlik əskinasın üz tərəfində yapon qadınlarının təhsilində qabaqcıl rol oynamış və “Tsuda Universiteti”nin yaradıcısı olan “Umeko Tsuda”, arxa tərəfində isə visteriya çiçəyi var.
