Azərbaycanın Xankəndi ilə Rumıniyanın Baia Mare şəhərləri qardaşlaşacaq.

Operativ Media xəbər verir ki, bununla bağlı razılaşma Rumıniyada səfərdə olan Xankəndi şəhəri, Ağdərə və Xocalı rayonlarında Azərbaycan Prezidentinin xüsusi nümayəndəsi Elçin Yusubovun həmin ölkənin Baia Mare şəhərinin meri İoan Doru Denkuş ilə görüşündə əldə olunub.

Görüşdə həmçinin Xankəndi və Baia Mare şəhərləri arasında əlaqələrin qurulması və inkişafı, birgə layihələrin həyata keçirilməsi, təcrübə mübadiləsi və digər qarşılıqlı fayda doğuran məsələlər də müzakirə edilib.