Bu ilin yanvarında 35,5 milyon dollarlıq kimya sənayesi məhsulları ixrac edilib
Bu ilin yanvar ayında ölkədən 35,5 milyon ABŞ dolları dəyərində 113,7 min tondan çox kimya sənayesi məhsulları ixrac edilib.
Operativ Media Dövlət Gömrük Komitəsinin məlumatlarına istinadən xəbər verir ki, bu 2024-cü ilin müvafiq dövrünün göstəriciləri ilə müqayisədə dəyər ifadəsində 61 faiz və ya 13,4 milyon dollar, həcm baxımından isə 5,6 faiz və ya 6 min ton çoxdur.
Qeyd edək ki, 2025-cü ilin ilk ayında kimya sənayesi məhsullarının ümumi ixracda xüsusi çəkisi 1,17 faizə, qeyri-neft məhsullarının ixracında çəkisi isə 14,46 faizə bərabər olub.
