İsrailin martın 18-də anklavda hərbi əməliyyatları bərpa etməsindən sonra Qəzza zolağının 280 minə yaxın sakini yaşayış yerlərindən didərgin düşüb.

Operativ Media xəbər verir ki, BMT-nin Humanitar Məsələlər üzrə Koordinasiya Ofisi (OCHA) məlumat yayıb. 

Məlumatda qeyd olunub ki, martın 2-də elan edilən humanitar yardım və zəruri malların ölkəyə girişinin bloklanması əhalini yaşamaq hüququndan məhrum edir.

Qeyd edək ki, martın 18-də İsrail ordusu Qəzza zolağında döyüşləri bərpa edərək anklava kütləvi zərbələr endirib. Bununla da bu ilin yanvarında yaradılmış atəşkəsi pozub.