Almaniya milli komandasının yeni baş məşqçisi Yürgen Klopp yığmadakı fəaliyyətindən sonra məşqçilik karyerasını yekunlaşdıracağını bildirib.

​Operativ Media xəbər verir ki, Almaniya Futbol İttifaqı (DFB) iyulun 24-də 59 yaşlı mütəxəssisin təyinatını rəsmən açıqlayıb. Tərəflər arasında 2030-cu ilə qədər nəzərdə tutulan müqavilə imzalanıb.

​İstiqlal nəşri "Bild"ə danışan mütəxəssis tənqidlərə açıq olduğunu və bu işin yalnız komandanın uğuruna xidmət etdiyini vurğulayıb. O, Almaniya yığmasındakı fəaliyyətinin karyerasının zirvəsi olacağını və bundan sonra başqa heç bir komandanı çalışdırmayacağını qeyd edib.

​Klopp artıq 57 meydan oyunçusunu izlədiyini, Dünya Çempionatında yüksək potensiallı futbolçuların gözlənilən oyunu nümayiş etdirə bilmədiyini, lakin vəziyyəti düzəltmək üçün imkanların olduğunu diqqətə çatdırıb. Təcrübəli mütəxəssis ilk matçın dərhal baş tutmamasından məmnunluğunu, futbolçularla tez bir zamanda ünsiyyət qurmağı və onların çıxış etdiyi ölkələrdəki qarşılaşmaları izləməyi əsas tapşırıq kimi gördüyünü bildirib.

​Xatırladaq ki, DFB iyulun 3-də 2023-cü ildən yığmaya rəhbərlik edən Yulian Nagelsmannı istefaya göndərib. Komanda DÇ-2026-nın 1/16 finalında Paraqvaya penaltilər seriyasında (1:1, pen. 3:4) uduzaraq mübarizəni dayandırmışdı. Klopp bundan əvvəl "Maynts" və Dortmund "Borussiya"sını və "Liverpul"u çalışdırıb.