Ermənistan parlamentinin deputatı: Beynəlxalq ictimaiyyət bizdən Azərbaycanın ərazi bütövlüyünü tanımağı tələb edir

“Çox üzr istəyirəm, bilirsinizmi niyə bu günə qədər məsələ həllini tapmayıb? çünki Rusiya məsələnin başqa həllini təklif edib, Avropa, ABŞ, Azərbaycan, Türkiyə başqa təklif edib".

"Operativ Media" xəbər verir ki, bunu "Hraparak" qazetinə müsahibəsində Ermənistan parlamentinin hakim fraksiyasının deputatı Akop Aslanyan bildirib.

"İndi biz çalışırıq ki, hamını çıxaraq, yalnız bir Avropa qərarı ilə məsələni həll edək. Çünki Rusiyanın təklifləri ilə 30 il ərzində heç bir şey baş verməyib. Beynəlxalq ictimaiyyət bizdən tələb edir ki, Azərbaycanın ərazi bütövlüyünü tanıyaq. Burada artıq digər problemlər önə çıxmır. Biz birincisi bir-birimizin ərazi bütövlüyünü tanımalıyıq. Sonra isə Qarabağdakı ermənilərin hüquq və azadlıqlarını beynəlxalq səviyyədə qabarda biləcəyik. Brüssel görüşünü və tərəflərin bir-birinin ərazi bütövlüyünü tanımasını müsbət qiymətləndiririk”. - deyə o qeyd edib.