Qazaxıstan Prezidenti Kasım-Jomart Tokayev Çinə Xəzər dənizindəki limanların imkanlarını genişləndirməyi və birgə nəqliyyat gəmiləri istehsal etməyi təklif edib.

"Operativ Media" xəbər verir ki, bu barədə "Sputnik Qazaxıstan" məlumat yayıb.

Tokayev qeyd edib ki, Qazaxıstan Transxəzər beynəlxalq nəqliyyat marşrutunun imkanlarını artırmaq niyyətindədir.

Çinin əsas yükgöndərən olduğunu nəzərə alan prezident marşrutun maksimum və fasiləsiz yüklənməsini təmin etmək üçün səylərin gücləndirilməsini təklif edib.