Peskov Putin və Ərdoğan arasındakı münasibətlərin xüsusi xarakterini açıqlayıb

Rusiya və Türkiyə prezidentləri - Vladimir Putin və Rəcəb Tayyib Ərdoğan öz sözlərinə cavabdeh olan və qarşılıqlı faydalı ikitərəfli münasibətlərlə bağlı konkret məsələlərlə məşğul olan ciddi siyasətçilərdir.

"Operativ Media" xəbər verir ki, bunu  Rusiya prezidentinin mətbuat katibi Dmitri Peskov bildirib.

"Putin və Ərdoğan çox ciddi siyasi fiqurlardır, böyük siyasi təcrübəyə malikdirlər və populist metodlarla xarakterizə olunmurlar. Onlar öz sözlərinə cavabdeh olan siyasətçilər və dövlət xadimləridir. Putin və Ərdoğan iki ölkə xalqları üçün vacib olan qarşılıqlı faydalı ikitərəfli münasibətlərlə bağlı konkret məsələlərlə məşğul olurlar"-deyə o qeyd edib.