1-ci Qarabağ müharibəsinin nəticəsində Azərbaycan əraziləri Ermənistanın işğalı altına düşəndən sonra uzun illər atəşkəsin olması, danışıqlar prosesinin 30 ilə yaxın çəkməsi insanlarda belə bir fikir yaratmışdı: bu məsələ çətin ki, həll olunsun. Bu fikirlər 2020-ci ildə əhəmiyyətsiz oldu. 2-ci Qarabağ müharibəsinin nəticəsi olaraq Azərbaycan torpaqlarını işaldan azad etdi.

1-ci Qarabağ müharibəsi zamanı azərbaycanlılara qarşı xüsusi amansızlıq göstərmiş şəxslər barəsində bəzən belə fikirlər səslənirdi ki, o vaxtdan nə qədər müddət keçib, həmin şəxsləri tapmaq çətindir.  Çətin işi reallaşdırmaq mümkün oldu. 32 il əvvəl Xocalıda cinayət törətmiş Vaqif Xaçaturyan həbs edildi.

Bu bənzətmələr onu göstərir ki, Azərbaycan dövləti tarixində baş vermiş hər bir qara səhifəyə görə hesab tələb edir, bunun üçün hazırlıq görür və sonda milli maraqlara uyğun olaraq məsləni həll edir.

Məsələnin digər tərəfi odur ki, erməni cinayətlərinin bir qolu olan Vaqif Xaçaturyanın tutulması digər erməni cinayət qollarına çıxış imkanı yaradacaq. Onların da cinayət məsuliyyətinə cəlb olunmasına imkan yaradacaq. Qarabağda, indiki Ermənistan ərazisində azərbaycanlılara qarşı müharibə, hərbi, etnik təmizləmə, işgəncə cinayətləri törətmiş şəxslərin əksəriyyətinin şəxsiyyəti bəllidir. Qarabağla bağlı heç bir düyün bağlı qalmayacaq!

Samir Cabbarov - Operativ Media