Bakıda Zabit Səmədovun təşkilatçılığı ilə MMA turniri keçirilib

İyunun 6-da Bakıda Zabit Səmədova məxsus "New Generation Fighting" təşkilatının döyüş gecəsi keçirilib.  

"Operativ Media" xəbər verir ki, yarış çərçivəsində MMA qaydaları üzrə 9 döyüş baş tutub.

Daha bir döyüş kikboksinq qaydalarına uyğun təşkil olunub. Gecənin əsas döyüşü azərbaycanlı idmançı Məhəmmədəli Osmanlı və mərakeşli döyüşçü Ömər Aşur arasında baş tutub. Bu döyüşdə azərbaycanlı idmançı rəqibə texniki nokautla qalib gəlib.    

Qeyd edək ki, bu "New Generation Fighting" təşkilatının sayca 4-cü turniridir.