"Samsung" şirkəti smartfonunuzu ayaqlarınızın hərəkətləri ilə idarə etməyə imkan verən "Shortcut" idman ayaqqabılarını təqdim edib.

"Operativ Media" xəbər verir ki, idman ayaqqabıları jestlərdən istifadə edərək "Samsung" smartfonunuzda müxtəlif hərəkətlər etməyə imkan verir.

Ayaqların vəziyyətini izləyən dabandakı sensorlar sayəsində zənglərə cavab vermək, yaxud musiqini işə salmaq mümkün olur.

"Samsung" üzvləri üçün nəzərdə tutulmuş idman ayaqqabısı meteorları və ulduzları xatırladan elementləri ilə "Galaxy" seriyası cihazlarından ilhamlanan unikal dizayna malikdir.

Cəmi 9 cüt idman ayaqqabısı buraxılıb və onlar yalnız Hollandiyadakı "Samsung" üzvləri üçün 9 iyul 2024-cü il tarixinədək təqdim olunacaq.