Rusiya XİN: Ermənistan-Azərbaycan sülh müqaviləsi uzunmüddətli, davamlı həll yollarına əsaslanmalıdır

"Ermənistan-Azərbaycan sülh müqaviləsi uzunmüddətli, davamlı həll yollarına əsaslanmalıdır"

"Operativ Media" xəbər verir ki, bunu Rusiya xarici işlər nazirinin müavini Mixail Qaluzin RİA Novosti-yə müsahibəsində deyib.

O qeyd edib ki, onların fundamental maraqlarına nəyin cavab verdiyini və davamlı sülhü necə təmin etmək niyyətində olduqlarını tərəflər özləri həll edirlər.

"Bu məsələlərin həssaslığını nəzərə alaraq, Moskva irəliləyişə mane olmamaq üçün danışıqlar prosesinin gedişatını şərh etmir. Lakin Rusiya hər cür şəkildə dinc dialoqu dəstəkləyir, təmas nöqtələrini tapmağa, tərəflərə uyğun olan razılaşmalara və kompromislərə kömək edir. Normallaşma üçtərəfli sazişlər əsasında uzlaşmanın “yol xəritəsi”ni formalaşdırır: nəqliyyat və iqtisadi əlaqələrin blokunun açılması, sərhədin delimitasiyası və vətəndaş cəmiyyəti vasitəsilə təmasların inkişafı"-deyə o qeyd edib..