Suren Papikyanın KTMT iclasına nə üçün getmədiyi açıqlanıb

Ermənistanın müdafiə naziri KTMT-nin iclasında iştirak etmək üçün Minskə getməyib.

"Operativ Media" xəbər verir ki, məsələ Rusiya və Belarus mediasında qabardılıb, bunun KTMT-ə hörmətsizlik kimi təqdim edilməsi ilə bağlı siqnallar verilib.

Ermənistanın hakim partiyasının parlament fraksiyasının katibi Artur Hovhannisyan bildirib ki, məsələ siyasi deyil, nazir texniki səbəblərdən iştirak etməyib. Suren Papikyanın Minskdəki görüşdə iştirak etməməsinin Ermənistanın KTMT-yə münasibəti ilə heç bir əlaqəsi yoxdur.