Qazaxıstan heç bir dövlət ittifaqına qoşulmaq niyyətində deyil

"Qazaxıstan heç bir dövlət ittifaqına qoşulmaq niyyətində deyil və Aİİ daxilində inteqrasiya yalnız iqtisadi xarakter daşımalıdır"

"Operativ Media" xəbər verir ki, bunu Respublika prezidentinin mətbuat katibi Ruslan Jeldibai bildirib.

“Tədbir zamanı prezident bir sıra bəyanatlar verdi ki, bu gün ekspert birliyi tərəfindən geniş müzakirə olunur. Bununla əlaqədar qeyd etmək istərdim ki, dövlət başçısının əsas mesajı ondan ibarət idi ki, Aİİ çərçivəsində inteqrasiya yalnız iqtisadi yolla gedə bilər və getməlidir. Ondan kənara çıxmaq təşkilatın nizamnamə sənədlərinin məqsəd, prinsip və vəzifələrini pozur. Qazaxıstan birlik dövlətləri yaratmaq və ya onlara qoşulmaq niyyətində deyil və bunu etməyi də planlaşdırmır”

Qeyd edək ki,  Avrasiya Forumunun iclası zamanı Qazaxıstan rəhbəri bildirib ki, dünya siyasi konfiqurasiyasında “iki ölkə - bir dövlət” düsturuna əsasən unikal fenomen yaradılıb – Rusiya və Belarusun birlik dövləti.

Tokayev qeyd edib ki, Aİİ üzvü olan ölkələr "Vahid ittifaq hökuməti, vahid birlik parlamenti” üzvlərlə necə qarşılıqlı əlaqə qurmalı olduqlarını başa düşməlidirlər.