Zəngəzur dəhlizi də sülh müqaviləsinə əlavə ediləcək - ŞƏRH

Qarabağ düyünü – bu söz birləşməsini məncə xatırlmayan yoxdur. O qədər çətin, o qədər müxtəlif istiqamətlərə dolaşıq məsələ idi, Qarabağ münaqişəsi. Həlli üçün düyünü aça biləcək dəmir iradə lazım idi. bu dəmir iradə Güclənməliydi və gücləndirməliydi bütün əlində olan vasitələri. Dəmir iradə dəmir yumruq olacaqdı. Qarabağ düyünü iradə və yumruğun birləşərək gördüyü iş nəticəsində açılacaqdı.

Əslində Qarabağ münaqişəsinin mütləq Azərbaycanın ərazi bütövlüyü çərçivəsində həll olunacağı dəfələrlə bildirilirdi, əmin edilirdi ki, bunun başqa variantı, yolu yoxdur. İndi biz Qarabağ düyünü məsələsindən elə bir vəziyyətə gəlmişik ki, artıq sülh müqaviləsindən danışırıq. Həmin müqavilə ilə bağlı hətta konkret tarix səsləndirlir. 
Xronoloji ardıcıllığa baxın: 
•    Qarabağ Azərbaycandır! – belə də oldu.
•    Ermənilərin status məsələsi cəhənəmə getdi – hətta isti qucağına getdi
•    Laçın dəhlizi təkcə yalnız Azərbaycanın qanunları ilə faliyyət göstəriləcək 
•    İndi orada Azərbaycanın nəzarət postu var.
İndi də Zəngəzur dəhlizi reallaşmalıdır və bu da sülh müqaviləsinə əlavə ediləcək. Bütün bu məsələri ardıcıllıqla analiz edəndə yuxarıda dediyim dəmir iradə və düyünü açmaq üçün uzaqgörənlik mütləqdir. Azərbaycanın mütləq qələbəsi döyüş və siyasi meydanlarda həyata keçirilir. Sonuncu Moskva görüşündə də Azərbaycan, Ermənistan və Rusiya liderləri görüşəndə yenə Azərbaycan söz sahibi idi. Necə ki, əvvəlki bu tip görüşlərdə olmuşdu, indi də belədir. Ardıcıl, məqsədyönlü və gələcəyə hesablanmış siyasətə dəmir iradə qatanda qarşısındakılar əzilir.

Samir Cabbarov