ABŞ-nin texnologiya nəhəngi "Microsoft" Avropada mühüm bulud hesablama mərkəzinə çevrilmiş İspaniyanın şimal-şərqindəki Araqon bölgəsində yeni məlumat mərkəzləri yaratmaq üçün 6,69 milyard avro (7,16 milyard dollar) investisiya etməyi planlaşdırır.

"Operativ Media" xəbər verir ki, Araqon regional hökuməti "Microsoft"un Zaragoza şəhəri xaricində bir bölgədə məlumat mərkəzləri yaratmaq üçün tikinti icazəsi üçün müraciət etdiyini təsdiqləyib.

Qeyd edək ki, ABŞ-nin digər texnologiya şirkəti "Amazon" da keçən ay verdiyi açıqlamada Araqonda məlumat mərkəzləri yaratmaq üçün yaxın 10 ildə 15,7 milyard avro sərmayə qoyacağını açıqlamışdı.