Hər bir smartfon vaxtaşırı qıza bilər, lakin bunun şiddətli dərəcədə olması telefon üçün təhlükəlidir.

Bəs həddindən artıq qızmış mobil telefonu təcili olaraq necə soyuda bilərik?

"Operativ Media" xəbər verir ki, bunun üçün ilk növbədə silikon, rezin və ya qalın plastik qorucuyucudan istifadə edirsinizsə, onu çıxartmaq lazımdır. Daha sonra əgər telefonun arxası açılırsa, dərhal arxa korpusu açmalısınız. Bu, smartfonun istiliyi effektiv şəkildə yaymasının qarşısını alır. Əks halda elektronika zədələnə bilər.  

Smartfonun prosessorunun və yaddaşının enerji istehlakı nə qədər az olarsa, o, bir o qədər az istilik hasil edəcək. Ona görə də cihazın soyumasına icazə vermək üçün bütün aktiv proqramları bağlamağınız məsləhətdir. Bütün proqramları bağladıqdan sonra belə cihazınız isti qalırsa, onu yenidən başladın. Fon proqramlarına əlavə olaraq, fon prosesləri də enerji istehlak edir, bu da istilik istehsalını artırır. Yenidən işə salmaq lazımsız fon tapşırıqlarını dayandırır və sistem resurslarını boşaldır.

Mobil internet işə salındıqda smartfon məlumat ötürmək üçün yaxınlıqdakı qüllələrlə daim əlaqə saxlayaraq enerji sərf edir ki, bu proses çox istilik yaradır. 

Orijinal adapter vasitəsilə enerji yığan smartfonun temperaturu çox yüksəlməməlidir, lakin bir çox insanlar üçüncü tərəf istehsalçılarının şarj cihazlarından istifadə edirlər. Enerjiyə qoşduğunuz zaman cihazın çox qızdığını görsəniz, onu dərhal elektrik şəbəkəsindən ayırın. Bunun edilməməsi böyük ziyana və ya hətta yanğına səbəb ola bilər.

Sevinc İbrahimzadə