Qəzzada bir gündə 140-dan çox insan ölüb

İsrail hərbçilərinin hərəkətləri nəticəsində Qəzza zolağında 24 saat ərzində ən azı 141 nəfər həlak olub, daha 400 nəfər yaralanıb. 

"Operativ Media" xəbər verir ki, bu barədə Fələstin anklavının Səhiyyə Nazirliyi məlumat yayıb.

"Son 24 saat ərzində İsrail ordusu Qəzza zolağında 4 hücum həyata keçirib, nəticədə 141 nəfər ölüb, daha 400 nəfər yaralanıb", - deyə departamentin rəsmi teleqram kanalında dərc olunan bəyanatda deyilir.

Nazirlik eskalasiyanın başladığı 7 oktyabr 2023-cü il tarixindən bu yana ölənlərin ümumi sayının 38 584-ə yüksəldiyini, ən azı 88 881 fələstinlinin yaralandığını bildirib.