Menyu

FHN-in qurumları arasında sərbəst güləş çempionatına yekun vurulub

Operativ Media
FHN-in qurumları arasında sərbəst güləş çempionatına yekun vurulub
1 dəq oxu

Fövqəladə Hallar Nazirliyinin (FHN) qurumları arasında xidməti-tətbiqi idman növləri üzrə ilin son yarışına - sərbəst güləş üzrə çempionata yekun vurulub.

Bu barədə Operativ Media-ya nazirlikdən məlumat verilib.

Bildirilib ki, çempionatda FHN-in Aparatı və qurumlarının, ümumilikdə, 7 komandasından 50-yə yaxın əməkdaş iştirak edib.

Yarışın bağlanış mərasimində çıxış edən FHN-in İdman-sağlamlıq klubunun rəisi polkovnik Füzuli Musayev sərbəst güləş yarışının keçirilməsindən, ölkəmizdə idmanın inkişafına göstərilən diqqət və qayğıdan danışıb, nazirliyin idmançılarının ayrı-ayrı yarışlarda nümayiş etdirdikləri əzmkar mübarizədən, qazanılmış nailiyyətlərdən bəhs edib. Sonra isə çempionatda yer tutmuş əməkdaşları və komandaları təbrik edib, yarışlarda uğurlar arzulayıb.

Olimpiya sistemi ilə beynəlxalq qaydalara uyğun olaraq 8 çəki dərəcəsi üzrə keçirilən yarışları İdman-sağlamlıq klubunun güləş üzrə hakim heyəti idarə edib.

Əlaqəli Xəbərlər