Azərbaycan və Slovakiya yaşıl enerji sektorunda texnologiya və təcrübə mübadiləsi imkanlarını müzakirə edib - YENİLƏNİB

COP29 çərçivəsində Slovakiyanın Baş nazirinin müavini və ətraf mühit naziri ilə keçirilən görüşdə ticarət, investisiya və bərpa olunan enerji sahələrində əməkdaşlığın genişləndirilməsi müzakirə edilib.

İqtisadiyyat Nazirliyindən "Operativ Media"ya verilən məlumata görə, iqtisadiyyat naziri Mikayıl Cabbarov COP29 çərçivəsində Slovakiyanın Baş nazirinin müavini və ətraf mühit naziri Tomaş Taraba ilə görüşüb.

Görüşdə qarşılıqlı iqtisadi münasibətlərin uğurla inkişaf etdiyi və əməkdaşlığın genişləndirilməsi üçün böyük potensialın mövcudluğu qeyd edilib. İqtisadi əlaqələrin gücləndirilməsi, o cümlədən ticarət dövriyyəsinin artırılması məqsədilə birgə fəaliyyətin davam etdirilməsinin önəmi vurğulanıb. Azərbaycan-Slovakiya iqtisadi əməkdaşlığı üzrə Birgə İşçi Qrupunun gündəliyindəki məsələlər müzakirə edilib.

Tərəflər ticarət, investisiya və energetika sahələrində tərəfdaşlığın genişləndirilməsi, enerji keçidi və yaşıl enerji sektorlarında texnologiya və təcrübə mübadiləsi imkanları barədə fikir mübadiləsi aparıblar. Əməkdaşlıq potensialının reallaşdırılmasının ölkələrimizin iqtisadi inkişafı üçün geniş perspektivlər vəd etdiyi vurğulanıb.

***

13:19

İqtisadiyyat naziri Mikayıl Cabbarov COP29 çərçivəsində Slovakiyanın Baş nazirinin müavini və ətraf mühit naziri Tomaş Taraba ilə görüşüb.

"Operativ Media" xəbər verir ki, bu barədə Mikayıl Cabbarov öz "X" hesabında paylaşım edib.

"Azərbaycan və Slovakiya iqtisadi əməkdaşlığı üzrə Birgə İşçi Qrupunun fəaliyyəti, ticarət, investisiya və energetika sahələrində tərəfdaşlığın genişləndirilməsi, yaşıl enerji sektorunda texnologiya və təcrübə mübadiləsi imkanları barədə fikirlərimizi bölüşdük. Əməkdaşlıq potensialının reallaşdırılmasının ölkələrimizin iqtisadi inkişafı üçün geniş perspektivlər vəd etdiyini vurğuladıq", - nazir qeyd edib.
 

COP29-la bağlı digər xəbərlər üçün keçid edin