"Rusiyada prezident seçkilərinin nəticələrinin tanınması ilə bağlı qərar Aİ-yə üzv dövlətlərdə qalır". 

"Operativ Media" xəbər verir ki, bu barədə Aİ-nin xarici siyasət sözçüsü Piter Stano bildirib.

“Seçkilərin tanınması və ya tanınmaması ilə bağlı qərar bütün prosesi gördükdən sonra üzv dövlətlərdə qalır”, - o, qeyd edib.

Qeyd edək ki, fevral ayında Estoniya, Latviya və Litvanın xarici işlər nazirləri tərəfindən dərc edilmiş birgə bəyanatda bildirilirdi ki, bu ölkələr Rusiyanın bir sıra regionlarında prezident seçkilərini və onların nəticələrini tanımayacaq.