Türkiyənin Milli Kəşfiyyat Təşkilatının (MİT) sədri İbrahim Kalın Qətərin paytaxtı Dohada Həmas Hərəkatının Siyasi Büro sədri İsmail Haniyə və onu müşayiət edən nümayəndə heyəti ilə görüşüb.

"Operativ Media" bu barədə Türkiyə mediasına istinadən xəbər verir.

Bildirilib ki, görüşdə HƏMAS-ın Türkiyənin İsraillə danışıqlar prosesindəki təşəbbüslərindən məmnun olduğu ifadə edilib. Danışıqlarda son vəziyyət, atəşkəsin təmin edilməsi üçün davam edən cəhdlər, eləcə də daha çox humanitar yardımın çatdırılmasına imkan verilməsi müzakirə edilib.