Ruanda son aylarda terror təhlükəsinin kəskin şəkildə artdığı Mozambikə əlavə 2000 hərbçi göndərib. 

"Operativ Media" xəbər verir ki, bu barədə "Bloomberg" məlumat yayıb.

Ruanda Müdafiə Qüvvələrinin sözçüsü Ronald Rvivanqa bildirib ki, qoşunlar şimal-şərqdəki Kabo Delqado əyalətində sülhün bərpasına kömək etmək üçün 2021-ci ildən Mozambikə göndərilən 2500 Ruanda əsgəri və polisini gücləndirmək üçün ötən həftə bölgəyə yola salınıb. Əlavə qüvvələr iyulun 15-dən əvvəl Mozambiki tərk edəcək. 

Artıq bir neçə ildir ki, "Ənsar əl-Sünnə" və İSCAP terror qrupları Mozambik ərazisində islam dövləti yaratmağa can atırlar. 2017-ci ildən bəri bu ölkənin şimalında BMT-nin məlumatına görə, 3 mindən çox insan terrorçuların əli ilə ölüb, 900 min nəfər isə qaçqın vəziyyətinə düşüb