Türkiyə Prezidenti Rəcəb Tayyib Ərdoğan iyulun 6-da Azərbaycanın Şuşa şəhərinə səfər edəcək.

"Operativ Media" xəbər verir ki, bu barədə "Yeni Şafak" məlumat yayıb. 

Məlumata görə, səfər Türk Dövlətləri Təşkilatının qeyri-rəsmi sammiti çərçivəsində baş tutacaq.

Bu səfərlə yanaşı, Türkiyə Prezidentinin diplomatik proqramına daha iki mühüm hadisə daxil olacaq. Belə ki, Ərdoğan Şanxay Əməkdaşlıq Təşkilatına üzv ölkələrin dövlət və hökumət başçılarının iyulun 3-4-də Qazaxıstanın paytaxtı Astanada keçiriləcək sammiti və NATO-ya üzv ölkələrin liderlərinin iyulun 9-dan 11-dək Vaşinqtonda keçiriləcək sammitində iştirakı nəzərdə tutulub.