Dünya reytinqinin lideri, 16-cı dünya çempionu Maqnus Karlsen Özbəkistanın Səmərqənd şəhərində keçiriləcək 2026-cı il Şahmat Olimpiadası üçün Norveç millisinin heyətinə daxil edilməyib.

​Operativ Media xəbər verir ki, sentyabrın 16-dan 27-dək baş tutacaq açıq turnirdə Norveç yığmasının şərəfini Yuhan-Sebastyan Kristiansen (2656), Elham Amar (2587), Frode Olav Ulşen Urkedal (2571), Tor Fredrik Kaasen (2499) və Aksel Bu Kvalyoy (2498) qoruyacaqlar.

​Dünya şahmatının aparıcı simalarından biri, Fransa seçməsinin bir nömrəsi Əlirza Firuzca da bu Olimpiadanı kənardan izləyəcək.

​Məlumat üçün bildirək ki, Şahmat Olimpiadasının təntənəli açılış mərasimi sentyabrın 15-də Səmərqənddə təşkil olunacaq.