2024-cü ildə Manş boğazını qanunsuz keçərək Böyük Britaniyaya keçən xarici vətəndaşların sayı 2023-cü illə müqayisədə 25% artıb.
 

"Operativ Media" xəbər verir ki, Krallığın Daxili İşlər Nazirliyinin məlumatına görə, bu rəqəm 29,4 min nəfərdən 36,8 min nəfərə yüksəlib.

2022-ci il rekord il olub, 45,8 min əcnəbi şişmə qayıqlarla boğazı keçərək təhlükəli səyahət edib. Ümumilikdə, 2018-ci ilin əvvəlindən 150 min qanunsuz miqrant sığınacaq almaq ümidi ilə Fransadan Böyük Britaniyaya keçib. Altı il ərzində Britaniya sahillərinə çatmaq istəyərkən 300-dən çox insan həlak olub.