"Marsel" transfer pəncərəsi bağlanana qədər 4-5 oyunçusunu sata bilər

Fransa çempionatının ilk turunda "Strasbur" üzərində 4:0 hesablı qələbə qazanan "Marsel"in baş məşqçisi Bünyo Jenezio yay transfer pəncərəsinin sonunadək bir neçə oyunçu ilə yollarını ayırmalı olduqlarını bildirib.

​Operativ Media xəbər verir ki, mütəxəssis klubun büdcəsini optimallaşdırmaq məcburiyyətində olduğunu vurğulayıb.

​Onun sözlərinə görə, əməkhaqqı fondunun həcmi azaldılmayınca yeni transferlərin reallaşdırılması qeyri-mümkündür. Bu proses çərçivəsində komandanı üç, dörd və ya beş futbolçunun tərk edə biləcəyi istisna olunmur.

​Xatırladaq ki, daha əvvəl yayılan məlumatlara əsasən, Lisenziya Komissiyasının tələblərini yerinə yetirmək və ölkənin elit divizionundan kənarlaşdırılmamaq üçün "Marsel" 2027-ci il iyunun 30-dək oyunçu satışından azı 180 milyon avro gəlir əldə etməlidir.