Çin ABŞ və İrana çağırış edib

Operativ Media xəbər verir ki, bu barədə Çin Xarici İşlər Nazirliyinin rəsmi nümayəndəsi Lin Tszyan “X” sosial şəbəkəsindəki paylaşımında bildirib.

Lin Tszyan qeyd edib ki, Çin BMT Təhlükəsizlik Şurasının təsdiq etmədiyi birtərəfli sanksiyaların əleyhinədir.

Onun sözlərinə görə, hərbi gücdən istifadə və təzyiq siyasəti vəziyyətin daha da gərginləşməsinə səbəb ola bilər.

“Biz bütün tərəfləri məsuliyyətli davranmağa və fikir ayrılıqlarını dialoq və danışıqlar yolu ilə həll etməyə çağırırıq”, - deyə Çin XİN nümayəndəsi bildirib.