Peskov: "Ermənistanın ehtiyacı yoxdursa, KTMT-ni tərk edə bilər"

Ermənistan Kollektiv Təhlükəsizlik Müqaviləsi Təşkilatında (KTM T) üzvlüyə ehtiyac duymursa, təşkilatı tərk edə bilər.

Operativ Media xəbər verir ki, bu barədə Rusiya Prezidentinin mətbuat katibi Dmitri Peskov bəyan edib.

"Əgər İrəvanın regional təhlükəsizliyin təmin edilməsində bu dərəcədə mühüm olan təşkilatda üzvlüyə artıq ehtiyacı yoxdursa, müvafiq qərar qəbul etməkdə və bu təşkilatı tərk etməkdə azaddır. İndiyədək Ermənistan tərəfinin müxtəlif səviyyəli nümayəndələrindən üzvlüyün dondurulduğu, lakin Ermənistanın çıxmağı planlaşdırmadığı barədə bəyanatlar eşitmişik", - deyə o bildirib.