Tramp İranla danışıqlarda istədiyi razılaşmanın əldə olunmadığını bildirib

ABŞ Prezidenti Donald Tramp İranla münaqişənin nizamlanması üzrə razılaşmanın əldə olunmasının onun istədiyi nəticə olmadığını bildirib.

Operativ Media xəbər verir ki, Tramp bu barədə Texas ştatında tərəfdarları qarşısında çıxışı zamanı ABŞ-nin sülhməramlı missiyalar üzrə xüsusi nümayəndəsi Stiven Uitkoffu təqdim edərkən danışıb.

ABŞ liderinin sözlərinə görə, Uitkoff İranla razılaşma üzərində işləyir və danışıqları uğurla aparır. Tramp bildirib ki, İranın təklif etməyə hazır olduğu razılaşma onun istədiyi variant deyil.

Tramp İranın nüvə silahına sahib olmayacağını vurğulayıb. O, Uitkoffun yaxşı danışıqlar aparan şəxs olduğunu və onu məhz bu xüsusiyyətlərinə görə seçdiyini qeyd edib.

ABŞ Prezidenti həmçinin Uitkoffun fəaliyyətini yüksək qiymətləndirərək onun danışıqlar prosesində yaxşı iş gördüyünü bildirib.