FHN: Ötən sutka ərzində 4 nəfərin həyatı xilas edilib

Fövqəladə Hallar Nazirliyinin (FHN) “112” qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 13 yanğına çıxış və 2 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.

"Operativ Media"v xəbər verir ki, bu barədə Nazirliyin mətbuat xidməti məlumat yayıb.

Məlumata görə, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.

Ümumilikdə, ötən sutka ərzində Fövqəladə Hallar Nazirliyinin qüvvələri 4 nəfəri xilas edib, yanğın zamanı 1 nəfər tüstüdən zəhərlənib.