Menyu

Daşkəsəndə vəzifəli şəxsin qanunsuz əməlləri barədə cinayət işi başlanıb

Nərmin Qocamanlı
Daşkəsəndə vəzifəli şəxsin qanunsuz əməlləri barədə cinayət işi başlanıb

Daşkəsən rayonu Əhmədli kənd bələdiyyəsinin sədri Sərvaz Quliyevin qanunsuz əməlləri barədə daxil olmuş müraciət əsasında rayon prokurorluğunda araşdırma aparılıb.  

Daşkəsən rayon prokurorluğundan "Operativ Media"ya verilən məlumata görə, araşdırma zamanı Sərvaz Quliyevin vəzifə səlahiyyətlərindən sui-istifadə etməsi, habelə vəzifə səlahiyyətlərini aşaraq bələdiyyə üzvlərinin əvəzinə imza etməklə kollegial orqan olan Əhmədli bələdiyyəsinin adından təkbaşına qərarlar qəbul edərək bələdiyyənin qanuni mənafelərinə mühüm zərər vurması, habelə torpaq sahəsinin icarəyə verilməsi barədə yalan vədlər verərək dələduzluq yolu ilə vətəndaşa məxsus pul vəsaitini əla keçirməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 178.2.3 (qulluq mövqeyindən istifadə etməklə dələduzluq), 308.1 (vəzifə səlahiyyətlərindən sui istifadə etmə) və 313-cü (vəzifə saxtakarlığı) maddələrilə cinayət işi başlanaraq ibtidai istintaq aparılır.

Teqlər:

"Da\u015fk\u0259s\u0259nd\u0259 v\u0259zif\u0259li \u015f\u0259xsin qanunsuz \u0259m\u0259ll\u0259ri bar\u0259d\u0259 cinay\u0259t i\u015fi ba\u015flan\u0131b"

Əlaqəli Xəbərlər