Cəlilabadda zəncirvari qəza olub

Cəlilabadda üç avtomobil toqquşub.

Operativ Media xəbər verir ki, hadisə rayonun Mollalı kəndi ərazisində qeydə alınıb.

Belə ki, iki "VAZ-2107" və "VAZ-2106" markalı avtomobillərin iştirakı ilə zəncirvari yol-nəqliyyat hadisəsi baş verib.

İlkin məlumata görə, qəza nəticəsində iki nəfər xəsarət alıb.

Faktla bağlı araşdırma davam etdirilir.