Hindistan insanları Aya aparacaq raketin istehsalına başlayıb. 

"Operativ Media" xəbər verir ki, bu barədə Hindistan Kosmik Tədqiqatlar Təşkilatının rəhbəri Şridhar Paniker Somnat məlumat yayıb.

Perspektivli daşıyıcı "Next Generation Launch Vehicle" (NGLV) adlandırılıb. Aşağı pillələr maye oksigen və metandan istifadə edən enerji bloklarını qəbul edəcək, yuxarı pillə isə kriogen mühərriklə təchiz ediləcək.

Hindistan Kosmik Tədqiqatlar Təşkilatının rəhbərinin sözlərinə görə, daşıyıcı 40 tondan çox faydalı yükü aşağı Yer orbitinə çıxaracaq və ilk hindistanlı 2040-cı ilə qədər Aya göndəriləcək.