Lukaşenko və Putin günün sonunda Astanada görüş keçirib

Günün sonunda ŞƏT sammitinin keçirildiyi Astanada Belarus Prezidenti Aleksandr Lukaşenko Rusiya Prezidenti Vladimir Putinlə görüşüb. 

"Operativ Media" xəbər verir ki, bu barədə Belarus Prezidentinin mətbuat xidmətinə yaxın "Pool of the First" "Telegram" kanalı məlumat yayıb. 

Kanalın yayımladığı video məlumatda iki ölkə prezidentlərinin birlikdə gəzdiyi görünür: "Prezident Lukaşenko görüşün sonunda işini davam etdirdi və bu son dərəcə gərgin iş gününün yekun görüşü Putinlə olub", - deyə kanal şərh edib.

Əvvəllər bildirilirdi ki, prezidentlər gün ərzində artıq beş dəfə danışıblar, bir gün əvvəl də əlaqə saxlayıblar.

"Telegram" kanalının məlumatına görə, Lukaşenkonun Qazaxıstana işgüzar səfəri artıq başa çatıb.