KİV: İsrail ABŞ-a Qəzzada atəşkəs razılaşması üçün yeni təklif göndərib

İsrail Qəzza zolağında atəşkəs razılaşması və girovların azad edilməsi üçün yenilənmiş təklifini ABŞ-a təqdim edib.

"Operativ Media" xəbər verir ki, bu barədə Axios portalı İsrail rəsmisinə və digər mənbələrə istinadən məlumat yayıb.

İsrail rəsmisinin sözlərinə görə, yeni təklifdə Qəzza zolağının cənubundan şimala silah və yaraqlıların ötürülməsinə nəzarət etmək və qarşısını almaq üçün xarici mexanizmin yaradılmasından bəhs edilir.

Bundan əlavə, sazişin birinci mərhələsində İsrail Müdafiə Qüvvələrinin qüvvələrinin yenidən yerləşdirilməsindən, eləcə də anklav və Misir sərhədində Filadelfiya dəhlizi adlanan ərazidə onların mövqelərinin qorunub saxlanmasından danışılır.