Azərbaycan İsveçrənin ATƏT-ə sədrliyi dövründə müəyyənləşdirdiyi prioritetləri - elm diplomatiyası, innovasiya, su resurslarının idarəsi, enerji və rəqəmsal təhlükəsizlik sahələrini dəstəkləyir.

Operativ Media xəbər verir ki, bu barədə Bakıda İsveçrənin XİN rəhbəri və ATƏT-in fəaliyyətdə olan sədri İqnasio Kassislə keçirilən birgə brifinqdə xarici işlər naziri Ceyhun Bayramov qeyd edib.

Bildirilib ki, mürəkkəb təhlükəsizlik mühitində təşkilatın effektivliyini saxlamaq üçün üzv ölkələrin konsensus əsasında fəal əməkdaşlığı vacibdir. 

Nazir Azərbaycanın bu prinsiplərə sadiq qaldığını və ATƏT-in potensialından səmərəli istifadəni vacib hesab etdiyini vurğulayıb.