Fransanın "Marsel" futbol klubu ciddi maliyyə çətinlikləri ilə qarşılaşır.

​Operativ Media xəbər verir ki, bu barədə fransalı jurnalist Romen Molina "X" sosial şəbəkə hesabında paylaşım edib.

​Məlumata görə, komanda 2027-ci il iyunun 30-dək futbolçu satışından ən azı 180 milyon avro gəlir əldə etməlidir. Əks təqdirdə, "Marsel" Fransa çempionatının yüksək divizionundan kənarlaşdırılma təhlükəsi ilə üzləşəcək.

​Klub amerikalı milyarder Frenk Makkort tərəfindən alındığı vaxtdan bəri transferlər, əməkhaqları və digər xərclər üçün komandaya ümumilikdə 800-900 milyon avro investisiya qoyulub.

​Yaranmış vəziyyətlə əlaqədar klub bu yay sərt qənaət rejiminə keçib. Yeni qaydalara əsasən, 5 milyon avrodan baha transfer olunmayacaq və yeni gələn heç bir oyunçuya mövsümlük 1 milyon avrodan artıq məvacib verilməyəcək.