Qəzza zolağında İsrailin hücumları nəticəsində ölən və yaralananların sayı artıb.

Operativ Media xəbər verir ki, Qəzza zolağının Səhiyyə Nazirliyi məlumat yayıb.

Məlumata görə, son 48 saat ərzində İsrailin hücumları nəticəsində azı iki fələstinli həlak olub, 14 nəfər yaralanıb.

Bildirilib ki, ötən ilin oktyabrında ABŞ-nin vasitəçiliyi ilə əldə olunan atəşkəs qüvvəyə mindikdən sonra İsrailin Qəzza zolağında həyata keçirdiyi hücumlar nəticəsində azı 1 262 nəfər ölüb, 4 168 nəfər yaralanıb.