Almaniyanın qərbindəki Eyfel dağlıq silsiləsində baş verən meşə yanğınının daha geniş əraziyə yayılmasının qarşısı alınıb.

Operativ Media xəbər verir ki, bu barədə “Deutsche Welle” məlumat yayıb.

Yanğın təxminən 300 hektar meşə sahəsini əhatə edib.

Yanğının söndürülməsi və yayılmasının qarşısının alınması əməliyyatında 1 400-ə yaxın fövqəladə xidmət əməkdaşı, Federal Polis, regional polis və Bundesverə məxsus 10 helikopter iştirak edir.

Hərbçilər alovun yeni ərazilərə keçməsinin qarşısını almaq üçün geniş yanğınəleyhinə zolaqlar yaradırlar.