İsrail Müdafiə Ordusu (ÇXS) Cənubi Livanda hərbçilərə edilən hücuma cavab olaraq şiə hərəkatının komandirlərindən birinin məhv edildiyini bəyan edib.

​Operativ Media xəbər verir ki, təhlükəsizlik zonasında hərbi qulluqçulara qarşı təşkil olunan hücumlara cavab olaraq "Hizbullah"ın "Bədr" bölməsinin yüksək rütbəli komandiri Əbu Həsən Əlaa ləğv olunub.

​Hərbçilərin yaydığı məlumata görə, zərərsizləşdirilən şəxs illər ərzində İsrail vətəndaşlarına və əsgərlərinə qarşı yönəlmiş bir sıra diversiya əməliyyatlarına, o cümlədən partlayıcı qurğularla təchiz olunmuş dron hücumlarına rəhbərlik edib. Bu hərbi rəhbərin sıradan çıxarılmasının qruplaşmanın idarəetmə potensialına ciddi zərbə vurduğu vurğulanıb.

​Şənbə günü Cənubi Livanın Əli-ət-Tahir dağ silsiləsi ərazisində baş verən toqquşmalarda üç İsrail əsgəri yaralanmışdı. Buna reaksiya olaraq ordunun mətbuat xidməti Nabatiyə şəhəri və Ənsar qəsəbəsi yaxınlığındakı "Hizbullah" infrastruktur obyektlərinə zərbələr endirildiyini açıqlayıb.