Türkiyənin Bəyoğlu rayonunda tramvay relsdən çıxıb

Bəyoğlu rayonunda T1 Kabataş-Bağcılar tramvay xəttində hərəkət edən tramvayın relsdən çıxması səbəbindən nəqliyyatın hərəkətində fasilələr yaranıb.

Operativ Media xəbər verir ki, bu barədə "TRT Haber" məlumat yayıb.

Kabataş istiqamətində hərəkət edən tramvay hələlik məlum olmayan səbəbdən relsdən çıxaraq Bağcılar istiqamətindəki relslərin üzərinə keçib.

Hadisə barədə məlumat daxil olduqdan sonra əraziyə polis və İstanbul Böyükşəhər Bələdiyyəsinin əməkdaşları cəlb olunub.